ДьөгүөрСахалыы тылдьыт

аймаа

1 · туохтуур

  • туохт
  • Арай хаһан эмэ тоҥон турар чуумпуну сур бөрө улуйуута, хагдаҥ эһэ хаһыыта эрэ аймыыр. Л. Попов. Аччык оҕо ытаһыыта, Ала ынах маҕырыыта Алаас иһин аймаата. Эллэй. Алдьархайга түбэспиттэрин биллэрэн, кини көй салгыны аймаабыта биир да ыстаансыйаҕа тиийбэккэ, ким да кулгааҕар иһиллибэккэ хаалбытаАмма Аччыгыйа

2 · туохтуур

  • Тыаһаан-ууһаан, саҥа таһааран тулалыыр эйгэ нуһараҥын, чуумпутун долгут

Нууччалыы

  • Своим шумом, голосом нарушать тишину, безмятежность окружающей среды
  • Арай хаһан эмэ тоҥон турар чуумпуну сур бөрө улуйуута, хагдаҥ эһэ хаһыыта эрэ аймыыр. Л. Попов. Аччык оҕо ытаһыыта, Ала ынах маҕырыыта Алаас иһин аймаата. Эллэй. Алдьархайга түбэспиттэрин биллэрэн, кини көй салгыны аймаабыта биир да ыстаансыйаҕа тиийбэккэ, ким да кулгааҕар иһиллибэккэ хаалбытаАмма Аччыгыйа

3 · туохтуур

  • Ыс; үргүт, үрүө-тараа ыыт (хол. , сүөһүнү)

Нууччалыы

  • Разгонять, рассеивать; пугать (напр. , скот)
  • Тыый, эһэ иннэ сыттаҕа дуу? Аны табаны аймыа! Н. Заболоцкай. Атын булчуттар кэлэн аймаабатах буоллахтарына, баҕар, кыылга түбэһиэм диэн [Сэргээчээн] бөҕөх соҕус истэ. Болот Боотур. Тутуу маһын толуута онно үүнэр. Ол эрээри Сатыров оҕонньор тыа кыылын аймыахтара диэн онно маһы кэртэрбэтИ. Федосеев

4 · туохтуур

  • Саамылаа, төттөрү-таары кут; иһити-хомуоһу өрө-таҥнары тут

Нууччалыы

  • Переливать, разливать; перемешивать
  • Сэттэ сири иһиттэн Сэймээн-сэймээн Аҕыс саар ыаҕастан Аймаан-аймаан [арыылаатылар]П. Ойуунускай

5 · туохтуур

  • Олус хорҕомноон барат, ыскайдаа, матайдаа (хол. , үбү-аһы, баайы-дуолу)

Нууччалыы

  • Растрачивать, разбазаривать, проматывать (напр. , деньги, имущество)
  • Аҕатын баайын аймаабыт.  Бары киһи баайын-тотун аймыыр хаарты, добунуо, лотуо, дуобат диэннэр дэлэй бардылар. Эрилик Эристиин. Мин эһигини, хара көлөһүммүнэн муспут баайбын-топпун аймаабыттары, алаһа дьиэбин алдьаппыттары, кыраатаҕым буоллун!Н. Якутскай

6 · туохтуур

  • Холку, сиэрдээх туругу кэһэн, долгуйууну, куттаныыны, сүпсүлгэни таһаар (үксүгэр олох, санаа эҥин туһунан)

Нууччалыы

  • Взбудораживать, тревожить, вносить беспокойство, разлад, чувство страха
  • Биир куһаҕан киһи бүтүн бөһүөлэги аймыыр. Амма Аччыгыйа. Хайа, бэйэҕит сөбүлэһэн тупсуоххут буолаарай? Арахсан, олоҕу аймыыр хайаҕытыгар даҕаны барса суох буолуо. А. Софронов. Арыт киһи уһуну-киэҥи саныы барбакка, дууһаны аймыыр дьэбир тыллары быраҕаттанан кэбиһээччи. “Кустук”

7 · этии

  • Аҕыс улууһу аймаан фольк. - киэҥ айдаанынан, элбэх сүпсүлгэни тардан Аҕыс улууһу аймаан туран, Араас өҥнөөхтөн талан ылан, Тоҕус улууһу тоҕо хаамтаран, Толбонноох түүлээҕи толору тиэйэн [Халҕан дьиэли аспыттар эбит]. С. Зверев. Атыйахтаах уу курдук аймаатылар (аймыы тэбистилэр) фольк. - Орто дойду олоҕун бүтүннүүтүн долгуттулар, киһи-сүөһү олороруттан аһардылар, (олоҥхоҕо бухатыырдар охсуһуулара дуоланын хоһуйар көһөр олук сороҕо). Θ Привели в смятение, расстроили земную жизнь (часть формулы, живописующей грандиозность богатырского боя). Орто аан ийэ дойдуну тордуйалаах уу курдук долгуччу үктүөтүлэр, атыйахтаах уу курдук аймыы тэбистилэр. Ньургун Боотур

Нууччалыы

  • С большим шумом, учинив большое беспокойство, тревогу

«А» буукуба