ДьөгүөрСахалыы тылдьыт

босхолоо

1 · туохтуур

  • туохт
  • Үрүҥ Уоланы кэлгиэтин төлүтэ тарта, илиитин-атаҕын босхолоон кэбистэ. П. Ойуунускай. Түһээри иҥэһэтиттэн уҥа атаҕын босхолоон өрө көтөҕөн иһэн тохтоото. Амма Аччыгыйа. Киһи эбээт - Буор сир буомнарын бурайан, Бохсуллубут күүстэри босхолообут, Аан дойду Албастарын баһылаан, Айылҕа хаҥылларын айааһаабытС. Васильев

2 · туохтуур

  • Тугу эмэ кэлгиэтиттэн, бохсуутуттан араар эбэтэр хаайтарбыты таһаар

Нууччалыы

  • Освобождать кого-что-л. от пут, от крепления или от того, что задерживает, препятствует
  • Үрүҥ Уоланы кэлгиэтин төлүтэ тарта, илиитин-атаҕын босхолоон кэбистэ. П. Ойуунускай. Түһээри иҥэһэтиттэн уҥа атаҕын босхолоон өрө көтөҕөн иһэн тохтоото. Амма Аччыгыйа. Киһи эбээт - Буор сир буомнарын бурайан, Бохсуллубут күүстэри босхолообут, Аан дойду Албастарын баһылаан, Айылҕа хаҥылларын айааһаабытС. Васильев

3 · туохтуур

  • Киһи хаайыыга, тутуурга сылдьарын уурат, көҥүл ыыт

Нууччалыы

  • Освобождать человека из заключения или снять с него установленные ограничения
  • Хаайыылааҕы босхолоо.  Ол курдук Сибииргэ хаатырга үлэтигэр сылдьар, хаайыыга олорор политическай буруйдаахтары босхолуур, күрэтэр быһаччы сорудаҕы туруорбут. П. Филиппов. [Аҕабыыт] Микиитэни, окумалыттан өрө көтөҕөн кылааска киллэрэн, саамай түгэх муннукка анньан кэбистэ. Кини буруйдаабыт оҕотун бэйэтэ киирэн босхолообот буоллаҕына, төһөнөн босхолонорун күннээҕи дьуһуурунайга этэн тахсар буолара. Бу сырыыга_ _ тугу да саҥарбакка эрэ силикиччийэн хааллаАмма Аччыгыйа

4 · туохтуур

  • Батталы самнаран, дьоҥҥо көҥүлү туттар; батталтан быыһаа

Нууччалыы

  • Освобождать кого-что-л. от угнетения, предоставлять кому-чему-л. свободу
  • Үлэ дьонун көлөһүннээһинтэн босхолоо.  Арай социал-демократтар эрэ оробуочай кылааһы, бааһынай аймаҕы босхолуур дьиҥнээх революционнай суолга туруналларИ. Федосеев
  • Туох эмэ кыһалҕаттан, эрэйтэн быыһаа. Θ Избавлять кого-что-л. от какой-л. тяжкой заботы, мучения, мук. Дойдубутун-сирбитин Соргу-дьаалы тунуйуоҕа, Дьоммутун-сэргэбитин Сортон-муҥтан босхолуоҕаЭллэй

5 · туохтуур

  • Киһини туох эмэ үлэттэн уурат эбэтэр киниттэн тугу эмэ ирдиири тохтот

Нууччалыы

  • Освобождать кого-что-л. от какой-л. работы, от каких-л. обязанностей
  • Педагогическай үлэҕэ бары өттүнэн сөбө суохпунан_ _ миигин түргэнник босхолуу охсоргутугар көрдөһөбүн. Н. Лугинов. “Оҕолоор, хаһыатта ааҕыҥ, Мэйиҥ, бу баар саҥа “Кыым”, - Аармыйаттан босхолуур уурааҕы Ааҕар уус уола Акыым. Баал Хабырыыс. [Сэбиэскэй право] сокуону билбэт диэн киһини сокуону кэспитин иһин эппиэккэ тардартан босхолооботСГПТ
  • Киһи тугу эмэ кыһалҕа оҥосторун, тутуһарын наадата суоҕунан аах. Θ Избавлять кого-что-л. от соблюдения чего-л. (напр. , каких-л. принципов, норм), объявляя это излишним. “Киһини самнары баттыыр суобас диэн ааттаах дьаллыктан киһини мин босхолуубун”, - диир ГитлерАмма Аччыгыйа

6 · туохтуур

  • Тугу эмэ иллэҥнээ (хол. , иһити сүөкээн, тугу эмэ сайылаан)

Нууччалыы

  • Освобождать, делать свободным что-л. для чего-л. (напр. , какое-л. вместилище, комнату и т. п. )
  • Иһити босхолоо. Чымадааны босхолоо.  Эн уоппускаҥ көһөрүллэр, Дьиэҕин босхолоот ылаар. А. Твардовскай (тылб. ). Дириэктэр дуоһунаһын босхолуохпун сөп диэн буолбутаВ. Яковлев
  • Киһини туохтан эмэ быыстыы түс, иллэҥнээ. Θ Дать возможность пользоваться свободным временем между делами. Бу оҕо киһини кыратык да босхолообот

7 · туохтуур

  • Өстөөх былдьаабыт сирин төннөр, өстөөхтөн былдьаа

Нууччалыы

  • Освобождать захваченную неприятелем территорию
  • Түөрт уон тоҕус сыллааҕыта_ _ Центросибирь ыыппыт холбоһуктаах кыһыл гвардейскай этэрээтэ Дьокуускайы үрүҥнэртэн босхолообутаП. Филиппов

8 · туохтуур

  • кин. Киһини эбэтэр тугу эмэ тугунан эмэ эрэйдиир, сүгүннээбэт киһиттэн (эбэтэр туохтан эмэ) быыһаа, араар

Нууччалыы

  • Освобождать кого-что-л. от приставалы, нахала, притеснителя
  • Талбаны Лухаттан босхолуохха дии сатаан!... Ылыныахтара баара дуо!Амма Аччыгыйа

9 · туохтуур

  • кин. Киһи туохха эмэ мунан алҕас, сыыһа өйдүүрүн көннөрүнэригэр, сыыһарын ууратарыгар көмөлөс

Нууччалыы

  • Помогать кому-л. избавиться от неверного представления в чем или о ком, о чем-л. или следования чему-л. неверному
  • Кинилэри өйдөтөн, бандьыыттар сабыдыалларыттан түргэнник босхолуу, дьоллоох саҥа олох ыллыгар киллэрэ охсуохха наада этэН. Заболоцкай

«Б» буукуба