этии
бу аата
- ситим сыһыан холб. Саҥарааччы этэр санаатын инники этиллибиккэ түмүк, түмүктээһин курдук холбооһунун көрдөрөр уонна маннык дэгэттэрдээх буолуон сөп
Нууччалыы
- Выражает субъективное присоединение высказываемой мысли к предыдущим как вывод, умозаключение и может иметь следующие оттенки (значит, следовательно): 1) быһааран, сыаналаан этии. Θ Оттенок объяснения и квалификации
- Тугуй бу аата табаарыстар? Ааҕыстахха, бу аата, ГЭС сүрүн узелларын төрдүттэн саҥардан оҥоруу буолар. В. Яковлев. Бу аата, бэйэ оҥостуммут куһаҕанын бэйэ хорсуннук көннөрүүтэ буолар; 2) көннөрү ыйан чуолкайдаан, быһааран биэрии. Θ Оттенок простого указания, пояснения и разъяснения. Бу аата, эһэ сылдьыбыт. Бу аата, саламалар. Н. Якутскай. Бу аата, биһиги холкуос кырымахтаах хара саһылы иитэр пиэрмэтигэр кэллибит. Суорун Омоллоон; 3) саҥарааччы түмэр санааҕа көһүүтэ. Θ Оттенок субъективного перехода к обобщающей мысли. “Бу аата, биһиги Далдын үрэҕэр ханан таҕыстыбыт?” - дии-дии хаартатыгар Далдын үрэҕин харандааһынан өрө сыыйар. Н. Якутскай. Бу аата, букатыннаахтык быһаарыллыы дьэ кэллэ дуо? В. Яковлев; 4) ситим тыл суолтата баһыйар. Θ Преобладает оттенок яркого союзного значения. Мин дьүһүммүнэн ынырыкпын, ол гынан баран бэйэбэр саамай кэрэттэн-кэрэ дьүһүннээх дьахтары атыылаһыахпын сөп, бу аата мин дьүһүнүм ынырыга суоҕар тахсан хаалар. Суорун Омоллоон. Куобах быйыл эмис, бу аата сылгытыгар да үчүгэй дьыл буолаары гынна. “ХС”