дьэргэл
1 · даҕааһын
- поэт. Араас өҥүнэн оонньоон эбэтэр ордук чаҕылхай буолан көстөр
Нууччалыы
- Бросающийся в глаза пестротой или особенно яркой окраской
- Дьэргэл солко мин тулабар. Тула өттүм сибэкки. М. Ефимов. Бааһына мындаарар түөһүттэн Дьэргэл күн тэгэлийэн ойдо. Дьуон Дьаҥылы. Дьэргэл кустук нөҥүө аптаах Дьикти кыраай баар дииллэр. И. Гоголев. Дьэргэл сулус мичилийэн, Дьэрэлийэр халлааммарМ. Ефимов
- Олус ыраас, дьэҥкир буолан, туох барыта (олох ыраах да баар) силбэһэн хаалбакка, чуолкайдык, ырылхайдык хас биирдии предмет тус-туспа араарыллар гына дьэргэйэн көстөр. Θ Совершенно чистый, прозрачный, что даже находящиеся вдали предметы четко виднеются каждый по-отдельности, не сливаясь. Ыраас дьэргэл салгыҥҥа Унаар буруо устубут, Күһүҥҥүлүүр халлааҥҥа Күөлү нөҥүө охтубут. Күннүк Уурастыырап. Күөх чэлгиэн алааһым Көй дьэргэл салгыныгар Көҥүл уйдара сылдьар Күөрэгэй чыычааҕым ырыата Күйгүөрэ кутуллар диэбитимР. Баҕатаайыскай
- Аһара түргэн, сыыдам буолан, элэгэлдьийэн олорор. Θ Очень быстро проносящийся перед глазами, мелькающий. [Долгун] Дьэргэл тиэрбэс буолан Дьэрэлийэ охсор, Арыт оонньоон, куобахтаан Аралыйа устар. И. Бродников. Соннук диэн дьоһун сурах Туруу-дьаҕыл дойдуга, Суһал-дьэргэл сырыылаах Соноҕос ат туйаҕа Чураадыйан тиийэринэн, Чугдаарыйа тарҕаммытЭллэй
2 · аат тыл
- суолт. Туох эмэ ырылхайдык, чуолкайдык көстүүтэ
Нууччалыы
- Что-л. ярко пестрое, мелькающее, сияющее
- Отун-маһын дьикти дьэргэлигэр умсаммын Ырыа суруйабын, сүрэх тылларын тиһэммин. Н. Босиков. Кыыдааннаах дьыбартан арахсан, Күөх сааһым дьэргэлэ көппүтэ. Даадар. Тэҥн. дьэргэ