иһиттэн
I · 1 · туохтуур
- Иһиттээх буол, иһиттэ булун
Нууччалыы
- Приобретать, завести, заиметь посуду
- Сиидэрэп, дьиэтигэр иһитэ-хомуоһа суох буолан, чугаһынааҕы ыалларыттан икки мас кыһыл чааскыны уонна биир дьэс чаанньыгы уларсан иһиттэнэн олордо. Күндэ. Таастары дьиэни тула төгүрүччү уурталаабыт: тааһынан иһиттэнэбит, тааһынан чааскыланабыт, кумаҕы чэй оҥостобут. Н. Тарабукин (тылб. )
II · 2
- дьөһ
- Кини ити сэтинньи сэттистиир күнүгэр сэтэрбит силлиэ-буурҕа иһиттэн уһууран тахсыбыта. "ХС". Кустук Дьөгүөрү быстах өлүү илиитин иһиттэн быыһаата. Н. Түгүнүүрэп. Им балай хараҥа иһиттэн ынырык саҥа иһилиннэ"ХС"
II · 3
- Миэстэ сыһыанын тэгилитэн көрдөрөн, хайааһын туох эмэ ис эйгэтиттэн тахсарын бэлиэтииргэ туттуллар
Нууччалыы
- Выражая абстрактно-пространственные отношения, употребляется при обозначении предмета, из которого исходит действие
- Кини ити сэтинньи сэттистиир күнүгэр сэтэрбит силлиэ-буурҕа иһиттэн уһууран тахсыбыта. "ХС". Кустук Дьөгүөрү быстах өлүү илиитин иһиттэн быыһаата. Н. Түгүнүүрэп. Им балай хараҥа иһиттэн ынырык саҥа иһилиннэ"ХС"
II · 4
- Дьон бөлөҕүн, кэлэктиип кэккэтиттэн хайааһын тахсарын, предмет арахсарын, тэйэрин миэстэ сыһыана дэгэттээх бэлиэтииргэ туттуллар
Нууччалыы
- Употребляется при обозначении группы, коллектива людей, от которого отделяется, удаляется предмет (имеет оттенок пространственных отношений; из)
- Табаарыстар! Ити Мэхээчэ оннук буолбут киһи, кинини уоттаах сиппииринэн баартыйа иһиттэн илбийэн таһаарар киһибит турар. П. Ойуунускай. Улуус иһигэр кыра дьон истэриттэн бэрт улаханнык, актыыбынайдык үлэҕэ көмөлөһөр дьон тахсан испиттэрэ. Эрилик Эристиин. Дьахталлар истэриттэн нэһилиэк сэбиэтигэр хандьыдаат туруортаатылар. Н. Неустроев. Ама аҕыйах этэ дуо? Аймах, кэргэн иһиттэн Аҕа, абаҕа, уол Арахсыһан тэйбитэ?!Баал Хабырыыс