кырбан

кырбаа диэнтэн бэй. , атын туһ. Буруйа суох уолаттар охсулуннулар, Кыттыгаһа суох кыргыттар кырбаннылар. Өксөкүлээх Өлөксөй. [Огдоос:] Хантан кэлиэй табах, арай бу уҥуох тоһоҕоһо баар, ону кырбанан тарт. А. Софронов. Өр-өтөр буолбата, иһит-хомуос тыаһаата, остуолга өрөһөлүү сылгы тоҥ хаһата, быара кырбанан, буспут эмис этэ, хартата, хаана тардылынна. В. Протодьяконов. Үрдүк сүүһүн ньылаччы туттан, икки илиитинэн икки өттүгүн ибили кырбанан Нил Нестерович бу киирэн кэлбитэ. "ХС"

2 · этии

Баһын кырбана олорор - тугу да гыныан булбат, туох да дьарыга суох Түөһүн кырбанар - 1) кэрээнэ суох киһиргиир, бэрдимсийэр, киһиргээн айдаарар. Θ Наглый бахвал (букв. бьет себя в грудь). Аргыый буол, дьон истиэхтэрэ. Киһи бөҕөҕүн. "Мин да мин," - дии-дии түөскүн кырбанаҕын. Н. Лугинов; 2) муҥура суох кэмсинэн сордонор-муҥнанар (туох эрэ ыар айыыны-буруйу оҥорон). Θ Отчаянно раскаиваться, считать себя несчастным (от содеянного). Хараҥа, халыҥ айыыларгыттан кэмсинэн Куура хаппыт илиигинэн этирик түөскүн Дар-дар кырбана-кырбана ытыыгын. И. Гоголев

Нууччалыы