көбүт
1 · туохтуур
- туохт
- Уу кутара, сыыс от ыраастыыра, буор көбүтэрэ. И. Федосеев. Ото саҥа бытыгырыырын кытта, эрээттэр икки ардыларынааҕы буору көбүтэллэр. КВА Б
2 · туохтуур
- Сахсатан биэр, көпсөркөй гын (туох эмэ чиҥи - үксүн буору)
Нууччалыы
- Рыхлить, разрыхлять, делать неплотным (напр. , почву)
- Уу кутара, сыыс от ыраастыыра, буор көбүтэрэ. И. Федосеев. Ото саҥа бытыгырыырын кытта, эрээттэр икки ардыларынааҕы буору көбүтэллэр. КВА Б
3 · туохтуур
- Тугу эмэ (хол. , быылы) хамсатан өрүкүт, өрө көтүт
Нууччалыы
- Поднимать, взметать, вздымать вверх
- Быылы көбүттэ. Кураанах уһаат тиҥкинээн-таҥкынаан, Көстөөх сиртэн көҕөнү көтүтэн, Көппөҕү көбүтэн, Суол дьонун соһутан, суостаах сурахтанан, Сулукучуйан истэ. В. Чиряев. Аҥыр бадарааны көбүтэрР. Кулаковскай
4 · туохтуур
- Оргууй охсуолаан, өрүтэ тутан, көпсөтөн, сымнатан биэр (хол. , сыттыгы)
Нууччалыы
- Легкими ударами взбивать, делать мягким, пышным (напр. , подушку)
- Эн турар буоларыҥ мин таспар, Тайанар этиҥ мин кырабааппар, Сыттанар сыттыкпын көбүтэриҥ, Саптынар суорҕаммын көннөрөрүҥ. Л. Попов. Хаҥас диэкиттэн утуйар бэриинэтин аҕалан, уҥа ороҥҥо көбүтэн тэлгэттэ. Күндэ. "Айаа-айа!" - диэтэ уонна оронугар саппырдаан тиийэн, сыттыгын көбүтэ түһээт, улаҕа диэки хайыһан сыттаП. Аввакумов
5 · туохтуур
- Күөдьүт, күүһүрт (туох эмэ умуллан, умнуллан, мөлтөөн эрэри)
Нууччалыы
- Разжигать, усиливать (что-л. остывающее, гаснущее, потаенное)
- Өһөн эрэр чоҕу көбүттэ уонна күөттээн эрэр курдук үрэн сирилэппитинэн барда. Р. Кулаковскай. Саха топонимикатыгар Томскай учуонайа К. Ф. Гриценко кандидатскай диссертацияны көмүскээн, олохтоох ааптардар интэриэстэрин өссө ордук көбүттэ. Багдарыын Сүлбэ. Саһыарбыт тапталбын көбүтэн Ыраахтан суруйа сатыырым, Эстибит эрэлбин көҕүтэн Илэ да, түүлбэр да саныырымДьуон Дьаҥылы
6 · туохтуур
- Көҕүт, төрүттээ, үөскэт
Нууччалыы
- Вызвать, возбудить, породить
- Кокцидиоз диэн биир килиэккэлээх микроорганизм көбүтэр ыарыыта. ДьСИи. Айылҕаҕа анаммыт сүрэҕи-быары сайан киирэр дьоҕус лоскуйдар сырдык иэйиини, дириҥ чувствоны көбүтэллэринэн ордук тиийимтиэлэр. ФЕВ УТУ. Идиэйэтигэр муҥура суох бэриммитэ бэрдинэн бэйэтигэр ытыктабылы киһиэхэ көбүтэр. Л. Толстой (тылб. )
7 · туохтуур
- сөбүлээб. Урут буолбуту, умнуллубуту эмиэ хат сөргүтэн, эргитэн таһаар
Нууччалыы
- Ворошить, вновь поднимать старое, забытое
- Холкуоһу куорҕаллаан, холкуос үбүн ыһан, дьон бөҕөнү сэрии саҕана аччыктаппыт, сутаппыт киһи. Оннук киһини көбүтэргэ ким эһигини киктэ? Далан. Онон былырыын көрүллүбүт барадабыастар дьыалаларын, быһаарыллыбытын быһыытынан, хат көбүтэр наадата суох. "ХС". Кэлэн хас да хонон баран, Дубровскай дьыаланы көбүтэн көрүөн баҕарбыта. А. Пушкин (тылб. )
8 · этии
- Көбүтэр мас булт. - муҥха ийэтигэр баайыллар обургу хаптаһын, лоппунуок
Нууччалыы
- Большой деревянный поплавок, прикрепляемый к верхней части мотни невода