лыҥкынас
I · 1
- лыҥкынаа диэнтэн холб. туһ. Көмүс былыт кытыытыгар Көтөн тахсыҥ, кыталыктар! Кыҥкынаһыҥ, лыҥкынаһыҥ! Кынаккытын кылбаҥнатыҥ! П. Тобуруокап. Дьокуускай сэттэ таҥараларын дьиэлэрин куолакаллара -- Уол уонна Аҕа таҥаралара ааттарын алҕаан лыҥкынастылар. П. Филиппов. Охтоох саалар тыйыс кирсилэрэ лыҥкынастылар, оноҕос маһа суйулаата, ытыалаһыы буолла. Н. Абыйчанин
II · 2 · даҕааһын
- даҕ
- Кремль чаһытын лыҥкынас тыастара дуораһыйдылар. Л. Попов. Татьяна өр саҥата суох таалан олордо. Онтон били лыҥкынас куолаһа кэһиэҕирэн кэллэМ. Попов
II · 3 · даҕааһын
- Лыҥкынаан иһиллэр, лыҥкыныыр тыастаах
Нууччалыы
- Звонкий, звучный, серебристый (напр. , о звоне колокола, звуках голоса)
- Кремль чаһытын лыҥкынас тыастара дуораһыйдылар. Л. Попов. Татьяна өр саҥата суох таалан олордо. Онтон били лыҥкынас куолаһа кэһиэҕирэн кэллэМ. Попов
II · 4 · даҕааһын
- Кытаанах, тыҥ буолан чуордук доргуйар, чуор тыастаах
Нууччалыы
- Звонкий, гулкий (напр. , о морозном воздухе)
- Кылбааран үчүгэй даҕаны Мин хаардаах кыраайым кыһына. Кынаттыыр сайдам санааны Чэбдик лыҥкынас салгына. М. Ефимов. Хаар түһэн суһумнуур, суһумнуур Лыҥкынас чигди буолаары. Н. Курилов (тылб. )
- , кэпс. Күүрэ сылдьар, күүстээх, тыҥ. Θ Тугой, крепкий, полный силы и энергии (напр. , о мышцах). Баҕа-дьулуур тип-тигинэс, Лып-лыҥкынас өссө миэнэ. Д. Васильев. Бэйэм олус бэрт туруктааҕым, быччыҥнарым лыҥкынастар, көбүөргэ төһө баҕарар өр биликтэһэр, бырахсан туймалдьытыһар кыахтааҕым. ПП ОА
- , кэпс. Кытаанах майгылаах. Θ Твердый, суровый по характеру, нраву. Үөл бэйэҥ тимирдии лыҥкынас Үйэҕэ даҕаны үүннэргин, Эн эдэр тапталыҥ уйана Эдэркээн ньургуһун курдуга. Р. Баҕатаайыскай. Кыһыллар лыҥкынас кытаанахтар, Кырыаха да саҕаны ойуттубаттарС. Васильев
II · 5 · даҕааһын
- Туох да булкааһа, сыыһа, көлбөҕө суох чэгиэн ыраас
Нууччалыы
- Чистый, ясный, кристальный (напр. , о лунном свете)
- Түүн уулусса чигдитигэр Ый лыҥкынас уотун кутар. И. Гоголев. От ыйын бастакы аҥаара сыралҕан куйааһынан сырайан лыҥкынас кураан күннэр турдулар. М. Доҕордуурап. Күн-дьыл ураты ыраас, курустаал иһит курдук лыҥкынас этэ. НВ БК
II · 6 · даҕааһын
- Кэрэтик иһиллэр уонна дириҥ иэйиилээх, этигэн
Нууччалыы
- Звучный; чистый; сокровенный (напр. , о речи)
- Истиҥ, нарын-намчы, кылгас, сороҕор чиҥ-чаҥ, лыҥкынас, чулуу хоһооннортон түмүллүбүт кинигэни ааҕа олорон бэйэҥ кыырт буолуоххун баҕараҕын. С. Тарасов. Ол дьэ нарын, лыҥкынас Дорҕооннортон таҥыллан - Уран, намчы, уйаҕас Тыллар төрөөн тахсаллар. М. Ефимов. Таптыыр доҕорбор мичээрэ, Лыҥкынас тылбын нарылыы Хоспор олорон ыллаатым. Дьуон Дьаҥылы. Муусуканан киһи аймах хайдахтаах курдук ыраас кэрэ тапталын, олоххо эрэлин, дууһатын саамай синньигэс утахтарын лыҥкынас иэйиитин этэрэ буолуой?ОАП ОДьТС