мөлбөһүй
- мөлбөй диэнтэн хамс. көстүү. Дьиэҕэ тымныы тумана мөлбөһүйбүтүнэн барда. Амма Аччыгыйа. Элиэнэ ньуура, бөлөнүйбүт собо миининии, кыра да долгуна суох биир кэм мөлбөһүйэ устан туналыйара. Н. Лугинов. Ийэ бэдэр оҕолорун кэннилэриттэн ойуолаан мөлбөһүйэ турда. Е. Макаров. [Соловейга] холоотоххо күөрэгэйиҥ бөлтөйөн, астык көрүҥнээх чыычаах, "чырылып-чыыр" дии-дии көтөн мөлбөһүйдэҕинэ көрүөҥ этэ. "ХС"