ньиэрбэ

1 · аат тыл

Киһи ис туругун быһаарар, мэйииттэн тарҕанан барар уйулҕа утахтарын тиһилигэ; өҥсүү

Нууччалыы

Нерв. Биһиги ньиэрбэбит да кытаанаҕын -- аан дойдуну бүтүннүүтүн баһылыахтарын баҕарбыттар билэн тураллар. Суорун Омоллоон. Билбэт дьыалаҕар орооһума. Айдаары ким да куһаҕан архитектор диэбэт. Хата баран сынньан, ньиэрбэҕин харыстаа. Н. Лугинов. Дьиҥ үлэ ньиэрбэни эмтиирин Олоххо көрдөрөр этилэр. Таах сылдьар дууһаны кэрбиирин Эрдэ да билбиттэр кинилэр. Р. Баҕатаайыскай

2 · этии

Ньиэрбэҕэ оҕустар - ньиэрбэ ыарыһах буолан хаал Мин кинини ньиэрбэтигэр оҕустарбыт дии санаабытым: илиитэ салҕалыыр, туттара-хаптара быһымах, майгыта-сигилитэ быһыттаҕас буолбут этэ. Далан. Ньиэрбэтигэр оонньоо - соруйан кыйахаа, ньиэрбинэйдэт. Θ Играть на нервах у кого-л. , нервы трепать кому-л. [Чуораан] Эчи тыаһа улаханын, хатанын! Киһи ньиэрбэтигэр оонньуур. Кэмниэ кэнэҕэс чуораан тыаһа дьэ ах барда. Н. Лугинов. Ньиэрбэ ыарыһах - ньиэрбэтинэн ыалдьар (киһи). Θ Нервнобольной. Ойууннар акаары буолбатахтар. Хабырыыһы салыннараары, баҕар, ньиэрбэ ыарыһах оҥороору Кыһалҕа ойуун соруйан бэлэхтээтэҕэ. И. Гоголев. Оннук сүрэҕэ өрүү быллыгырыы сылдьар киһи ньиэрбэ ыарыһах буолар. П. Аввакумов