ньулдьаҕай
1 · даҕааһын
- Өссө да ситэ-хото, этэ-сиинэ кытаата илик
Нууччалыы
- Незрелый, физически неокрепший
- Олох аһыытын-ньулуунун билбэккэ улааппыт оҕоттон атаах, ньулдьаҕай -- киһи тахсар. Тумарча. Оҕолор барахсаттар ньулдьаҕай санныларын тулаайахсыйыы ыар таһаҕаһа ыга баттаабытын иһин, кинилэр үрүө-тараа барбатахтара. Г. Борисов. [Дыгын] биир күүстээх буолуо диэн уорбалыыр уолум ньулдьаҕайа бэрт, арай аҕыс-сэттэ сылынан мөккүһүөр сөп. Эрилик Эристиин. Сэриигэ барбыттары солбуйан, оҕолор колхуос үлэтин өссө да ньулдьаҕай санныларыгар сүкпүттэрэ"ХС"
2 · этии
- Уу ньулдьаҕай - 1) мөлтөх, эт-хаан өттүнэн өссө ситэ илик Кини [Бакамда] бу өс-саас анысханнаах аартыга аһыллыбыт сиригэр бүдүгүрэ кырдьыбыт оҕонньор уу ньулдьаҕай оҕолуун кыайан олорботторун билэрэ. Далан. Көрөргүт курдук, -- уу ньулдьаҕай эдэр оҕолор киирэн биһиэхэ кыайан тулуйан үлэлээбэттэр. "ХС"; 2) көсп. Уус-уран өттүнэн мөлтөх, сыппах. Θ Слабый в художественном отношении, невыразительный, неинтересный. Хас суруйааччы литератураҕа тус-туһунаннык киирэр. Сорох уу ньулдьаҕай суруйуулартан саҕалаан, бэрт өр эрэйдэнэн баран, сыыйа суолун булунар. Софр. Данилов. Уҥуох тутан ситэ илик Уу ньулдьаҕай тылым абын Кыл кырыымпалыы симиктик Кылыһахтаан таһаарабын. С. Тимофеев. Тэҥн. ньуолдьаҕай. Ср. бур. зулзага ‘детеныш’, монг. йулйуҕа ‘детеныш’
Нууччалыы
- Слабенький, ещё не достигший физической зрелости