ньылбырыт
1 · туохтуур
- дьүһ. туохт
- Микиитэ олоро түһэн этэрбэстэрин элээмэлэрин ньылбырыта тарыйталаата. Амма Аччыгыйа. Тулааһынап бэрт эрэйинэн саппыкыларын ньылбырыта биэрэн уста охсон баран, атаҕын чиккэччи тэбэн, хараҕын симэн олорбохтоото. Далан. Дархан олоххо тас таҥаһын ньылбырыта биэрээт, дьахтар хаппахчытын аанын аргыый сэгэтэн киирэн кэлбитэ"Чолбон"
2 · туохтуур
- Сэрэнэн уһулан, хастаан ыл (хол. , хаппыт этэрбэһи)
Нууччалыы
- Скидывать, снимать, сдергивать (напр. , одежду, сапоги)
- Микиитэ олоро түһэн этэрбэстэрин элээмэлэрин ньылбырыта тарыйталаата. Амма Аччыгыйа. Тулааһынап бэрт эрэйинэн саппыкыларын ньылбырыта биэрэн уста охсон баран, атаҕын чиккэччи тэбэн, хараҕын симэн олорбохтоото. Далан. Дархан олоххо тас таҥаһын ньылбырыта биэрээт, дьахтар хаппахчытын аанын аргыый сэгэтэн киирэн кэлбитэ"Чолбон"
3 · туохтуур
- Туох эмэ ньуурун устун тугу эмэ сыыллар, состор
Нууччалыы
- Тащить, тянуть, волочить кого-что-л. по какой-л. ровной, гладкой поверхности. [Өлөксөй Күлүүчүкүн] -- атыыры аҥаар илиитинэн кутуругуттан ылан, илиитигэр эрийэ тутан баран, букатын таһаҕас оҥостубат курдук соһон ньылбырыппыт
- Саха сэһ. 1977. Тыыларбытын өрүскэ ньылбырыта анньаат, биһиги кыылларга устан тиийдибит да, үҥүүнэн аҕыйахта анньыталаан кэбистибит. С. Тумат. Мааны да мааны барахсан "Москвич" массыынатынан Буору-сыыһы бурҕаппакка Мотуорун да тыаһаппакка, тыаттан киирэн, алааска Ньылбырытан аастаФ. Софронов
4 · туохтуур
- Ыпсыытын кытыаран, ылыннарыылаахтык, тупсаҕайдык саҥар
Нууччалыы
- Говорить складно, логично убедительно
- Абыраамап саҥаран ньылбырытар бириэмэтигэр, Лэппиэрэй -- биир тылы ыһыктыбакка, болҕойон истэ олорор. Л. Попов. "Ээ, кустаабыта буолабыт да, Ньукуолуҥҥа биир чуккуй төбөтүн үнтү ыстаабат дьон буоллубут", - уҥуох-сула киһи сааһылаан эрэрдии ньылбырытар. Р. Кулаковскай. Оппоон оҕонньор: "Һы, бу барахсан уу тэстибэт гына этэн ньылбырыттаҕа бэрдин!"И. Семёнов
5 · этии
- Ньылбырыта тыыт - туох эмэ тириитин түргэнник сатабыллаахтык сүлэн ыл (хол. , куобах) Куобаҕын буутун уокка сырайан, тириитин ньылбырыта тыытта. Амма Аччыгыйа. Бэргэн икки бөрө тириитин, төһө да тымныытын иһин, ньылбырыта тыытан ылар. Н. Босиков. Онтон Баһылай Буровы көмөлөһүннэрэн кырсалаах бөрө тириилэрин ньылбырыта тыытта. "ХС"
Нууччалыы
- Проворно, ловко сдирать шкуру с кого-л. (напр. , с зайца)