саймаарый
1 · туохтуур
- туохт
2 · туохтуур
- саймаар 1 диэн курдук. Кыыһахайдыыр халлаан Кыһылыктыыр өҥө, Сааскылыыра кэмим Саймаарыйар күөҕэ Көстүтэлээн ааһар, Күлүмүрдээн ылар. П. Тобуруокап. Сайаҕас салгын Саймаарыйа илгийэр. И. Данилов. [Бухатыыр атын] Сайыҥҥы күн Саабылаан батас биитин курдук Саймаарыйан тахсар Саргылаах алын кырыытын диэки салайа баттаан кэбистэ. П. Ядрихинскай
3 · туохтуур
- Наҕыллык талбаарыйан уһун, сүүрт, хамсаа (хол. , өрүһү, үрэҕи, былыты этэргэ)
Нууччалыы
- Двигаться, плыть, течь плавно, тихо, спокойно (напр. , о реке, речке, облаках)
- Арҕаа күн киирэн кытарымтыйар, хоту үрүҥ былыт саймаарыйан устар, илин халлаан тэстиэх курдук ыраас. Н. Габышев. Чычаас үрэх сүрэҕэлдьээбиттии устан саймаарыйарА. Фёдоров
- Оннук наҕыллык, намылхайдык эҥээрийэн иһилин (хол. , киһи саҥатын, ырыаны этэргэ). Θ Разноситься спокойным, плавным напевом (напр. , о голосе, песне). Сахам сирин туһунан Саймаарыйа тарҕыыллар Элбэх омук тылынан Эҥин дьикти ырыалар. М. Ефимов. Чиэнди куолаһа ыраастык, истиҥник саймаарыйдаС. Дадаскинов
- Наҕыллык наскылдьый. Θ Ходить, идти плавной походкой. Настайа барахсан, дьиэттэн оргууй аҕай саймаарыйа хааман тахсан, сэргэ аттыгар, -- уһуун-уһун суһуоҕун тараанан намылыта олороро үчүгэй да буоллаҕа. П. Аввакумов. Арай үлэ бүттэҕинэ, Наҕылыгар түстэҕинэ Хаамар аргыый саймаарыйа Почта таһар МаарыйаЧэчир-7
4 · туохтуур
- Чуумпуга бигэнэн киэҥник тэнийэн көһүн
Нууччалыы
- Простираться, тянуться вдоль и вширь будучи охваченным тишиной и покоем (о долине, тайге)
- Саргылаах саҥа күнэ үүнэрин көһүтэн, Саймаарыйа сытта улуу Туймаадам. М. Ефимов. Чэ, көтүҥ, чэ, ойуҥ, Дьэргэлдьитэ тэйэн биэриҥ! Сайаҕастай салгыннардаах Сайылыкпыт саймаарыйда. Л. Попов. Тула ап-араҕас, уоһах саһархай тайҕа саймаарыйарН. Габышев
5 · туохтуур
- Туох эмэ күүстээх иэйиигэ баһыйтаран, туймаарый, булкулун (киһи санаатын, өйүн туһунан)
Нууччалыы
- Утратить чувство реальности от внезапно нахлынувших чувств. [Кыыс тапталын санаан уонна дойдулуур үөрүүтүттэн] Уол санаата саймаарыйда, Уон аҥыы алаарыйда
- С. Васильев. Мин ичигэскэ, сырдыкка бу ойуурга тахсан саймаарыйан хаалбыт профессор диэки көрөн кэбистимН. Габышев