ДьөгүөрСахалыы тылдьыт

суулан

I · 1

  • суулаа диэнтэн бэй. туһ. Ойуулаах буобура суорҕаннарыгар сууланан -- Утуйан буккураһа сыппыттар. Өксөкүлээх Өлөксөй. [Тишко] төбөтүн сонунан тууна сууланан, сытан кэбиһэр. Амма Аччыгыйа. [Ира] туумбачыкаттан -- түөрт гына сууламмыт адаархай буочарынан суруллубут суругу сулбу тардан таһаарда. Л. Попов

I · 2

  • Тугунан эмэ бүрүлүн, көстүбэт гына сабылын

Нууччалыы

  • Быть окутанным чем-л. , обволакиваться чем-л
  • Эбэ уҥуоргута күөх күдэриккэ сууланан турар. Л. Попов. Өлүөнэ өрүс улуу ньуура тумаҥҥа сууланара. Н. Габышев. Сүүрбэччэ киһи, табах буруотун хойуу туманыгар сууланан, күлүк курдук боруһан көһүннүлэрС. Федотов

I · 3

  • Туох эмэ ыарахаҥҥа бэрин, утарыласпакка олорон биэр

Нууччалыы

  • Поддаваться, не сопротивляться каким-л. трудностям
  • "Дьэ онон хайыыбыт, Михаил Яковлевич? – диэтэ кини аргыый. – Кыахпыт суох диэн сууланан кэбиһэбит дуу?" Софр. Данилов. Сорох кыра ычалаах оҕолор: "Син биир холкуоска барабыт. Үөрэҕи кичэйэн да диэн, онтон туох туһата кэлиэй?" – диэн сууланан кэбиһэллэрэ. И. Федосеев. Кини бэлиэр кырдьыбыт киһилии ким да атыыласпат, сатаммат-табыллыбат дии-дии таах халтайга лэбээрдээн сууланан олорон биэрдэҕэ үһүУ. Ойуур

I · 4

  • Ханнык эмэ дьарыккын тохтот, бырах

Нууччалыы

  • Прекратить, бросить заниматься чем-л. – Билигин оонньоон-көрүлээн көрөр кыахтааххын дуо? – Сууламмытым ыраатта
  • Ойуун буолуу диэн идэтийии, эрчиллииН. Босиков

I · 5 · этии

  • Күндү түүлээххэ (саһылга-саарбаҕа) суулан – бүтүннүү күндү түүлээхтэн тигиллибит таҥаһы кэт Бэрт ыраахтан кэлбит киһи курдук, күндү түүлээххэ сууланан Сыллай киирэн, бэрт бытааннык, килбиктик нууччалаата. Амма Аччыгыйа. Былыргы саха киһитэ -- күндү түүлээххэ сууламмакка, күнү-дьылы күлүк курдук аһарара. П. Аввакумов. Кыргыттар, дьахталлар бука бары саһылга-саарбаҕа сууламмыттар. М. Попов. Солкоҕо суулан – олус маанытык таҥын. Θ Роскошно, нарядно одеваться, ходить в шелках. Сыаналаах солкоҕо Кэтириис Сууланар. И. Гоголев. Эдэр кыыс Татыйаас -- Солкоҕо сууланан суугунуур тыастаммыт Субуллар суһуоҕун ким бастаан туойбутай? П. Тобуруокап. [Өкүүсэ] бу турдаҕына Мааса кыыс солкоҕо сууланан, хаарыска хааллан суугунаан кэлэн -- тииһин быыһынан сыыйан мөҕө турда. Эрилик Эристиин

Нууччалыы

  • Одеваться в дорогие меха, ходить в мехах

II · 6

  • көр сууласпытынан (суулаһан). Бары суулан тахсаннар аттары көрбүттэрэ, сиэллэрэ, кутуруктара суох. Д. Софронов. Күлүүһү алдьатан, дьэ эбээт, Таһыттан суулан киирдилэр, Оһох уотун күөдьүттүлэр. Дьуон Дьаҥылы. Таһырдьа сылдьыбыт дьон таҥара дьиэтин диэки суулан бардылар. Н. Павлов

«С» буукуба