сэмэ-суҥха
1 · аат тыл
- Сөпсөөбөттүк мөҕүү-этии, буруйдааһын, элбэх саҥалаах-иҥэлээх хомуруйуу
Нууччалыы
- Осуждение, обвинение, порицание со многими упреками, бранными нападками
- Эмээхсин ньаҥсыырын, сэмэтин-суҥхатын тулуйбакка, биир күһүн кыыс бэйэтэ көрдөһөн, саах күрдьээччинэн хамначчыттары кытта Амыдай үрэҕэр кыстаһа киирбитэ. Болот Боотур. Ылдьаана, итинник сэмэни-суҥханы истимээри, кыыһын Маайаны "хамначчыттар балаҕаннарыгар сылдьыма" диэн буойа сатыыра да, оҕо аата оҕо, быыс буллар эрэ бара турара. Н. Якутскай. [Илья Иванович] биирдэ эмэтэ баартыйаттан сэмэ-суҥха да ылбыта суоҕаА. Сыромятникова
2 · этии
- Сэт-сэлээн сиппит, сэмэ-суҥха туолбут көр сэт-сэлээн. Сэмэ-суҥха туолбут, Сэт-сэлээн сиппит эбит, Сэгэртэйим сыыһа! А. Софронов. Ханныгын да иһин Аадаҥ сэтэ-сэлээнэ ситиэ, Сэмэтэ-суҥхата туолуо. Күннүк Уурастыырап