табый
1 · туохтуур
- туохт
- Ата, такымыгар олоруох курдук, чохчойон баран өрө туруталаан, илин атахтарынан салгыны табыйда. М. Доҕордуурап. Тайахтар ыты сиирэ-халты табыйаллар. Ф. Софронов. Түөрт атахтаах барыта, кэлин атаҕынан тэбиэлэнэр, илин атаҕынан табыйар үгэстээх. "ХС". Кырдьаҕас бөрө аһаран биэрдэ, онуоха атыыр табыйда"ХС"
2 · туохтуур
- Илин атаххынан оҕус (ат, таба, тайах туһунан)
Нууччалыы
- Бить передними ногами (напр. , о лошади)
- Ата, такымыгар олоруох курдук, чохчойон баран өрө туруталаан, илин атахтарынан салгыны табыйда. М. Доҕордуурап. Тайахтар ыты сиирэ-халты табыйаллар. Ф. Софронов. Түөрт атахтаах барыта, кэлин атаҕынан тэбиэлэнэр, илин атаҕынан табыйар үгэстээх. "ХС". Кырдьаҕас бөрө аһаран биэрдэ, онуоха атыыр табыйда"ХС"
3 · туохтуур
- Атаҕынан охсон түргэнник, тэтимнээхтик хаамп, айаннаа
Нууччалыы
- Быстро, энергично идти, ехать, издавая гулкий звук
- Кинилэр тротуарынан кэккэлэһэ хаамсан табыйбытынан бардылар. Амма Аччыгыйа. Өтөр буолаат, Дьаам тириппит аттарын туйахтара чигдини сытыытык табыйбыттара. И. Гоголев. [Уоһук] кымньыылаппыт курдук, хааман-сиимэн табыйа турдаГ. Васильев
4 · туохтуур
- Хаары хас, хаһан аһаа
Нууччалыы
- Доставать корм, разрывая снег (обычно о лошади, олене)
- Кэбиһиилээх оттор, үөт талахтар тулаларыгар биир эмэ хара, көгөччөр сылгылар табыйан аһыы сылдьаллар. Амма Аччыгыйа. Таба кэтит уллуҥахтаах синньигэс сототун күөрэс гыннаран табыйдар эрэ хаар анныттан өлгөм лабыкта будьурус гына түһэр. Амма Аччыгыйа. Түүн ордук хараҥарар, Оччоҕо табалар, Хайаларга тахсаннар, Хаары табыйалларИ. Эртюков
5 · туохтуур
- Сири илииҥ күүһүнэн (табыыканан, баһымньынан) таҥастаа
Нууччалыы
- Обрабатывать землю вручную (с помощью мотыги)
- Сарсын эрдэ соҕус сирин табыйан бүтэн, дьиэлээри дьулуйар. Болот Боотур. Аҕам уус Наһаарга сир табыйа барбыт күнүгэр куйаас этэ. Н. Заболоцкай. Буор табыйар баһымньыга холоотоххо суха кырдьык да хайҕаныан сөптөөх"ХС"
6 · туохтуур
- Кими эмэни түргэн-түргэнник охсуолаан, сырбатан биэр
Нууччалыы
- Бить, колотить кого-л
- Өһүргэннэҕинэ сирэйин тоҕу табыйан биэриэм да бүтэр. Амма Аччыгыйа. Урутаабыт күлүгээннэри наһаалаатахтарына бэйэлэрин ньымаларынан табыйан биэриэхпит. Кэһэйдиннэр! Р. Баҕатаайыскай. Ср. осм. таби ʻтрепетатьʼ, казах. тарпын, кирг. тарпы ʻбить передними ногами (о лошади, верблюде)ʼ