талыгырас
I · 1
- талыгыраа диэнтэн холб. туһ. Мас чууркаларынан кэккэлэтэн оҥорбут уулуссанан тэлиэгэлэр талыгыраһаллар. Е. Неймохов. Андылар буор кытыыга тиийиэхчэ буолан иһэн, дайан талыгырастылар да, өрө көтөн дадарыһан хааллылар. Амма Аччыгыйа. Куртуйахтар субу иннилэриттэн өрө талыгыраһан тахсан аттары сиргэтэллэр. П. Филиппов. Кыргыттар эмиэ икки аҥыы хайдыһан, этиһэн талыгырастылар. "Чолбон"
II · 2 · даҕааһын
- Талыгыраан иһиллэр
Нууччалыы
- Стучащий, дробный (звук)
- Дьаам иһэ тэлиэгэлэр талыгырас тыастарынан, аттары тохтотор, һаттыыр уонна оҕолору үөгүлүүр саҥаларынан туолбута. Ойуку. Ханна эрэ ыраах талыгырас тыаһы истэр. В. Иванов. Онтон ыла Артур интернат дьиэлэннэ. Биирдэ өйдөөтөҕүнэ, үрдүгэр талыгырас саҥа иһиллэр: "Тура оҕус! Түүн үөгүлээн оҕолору утуппаккын. Сарсыарда туран биэрбэккин!" "ББ". Эргэ [иистэнэр] массыына талыгырас тыаһа иһиллэрэ. З. Воскресенская (тылб. )