тоҥуу

I · 1 · аат тыл

Булт сэбигэр булду күрүөлээн хаайан киллэрээри маһынан оҥоһуллар намыһах быһыт, мэһэй

Нууччалыы

Догдоон хара тыа дурдалаах, Тоҥууга тохтооччу Туолдьут Бэргэн. Өксөкүлээх Өлөксөй. Мин бэйэм туһах иитэргэ сөптөөх сирин булан, харыйалары быһан аҕалан, тоҥуу оҥорон, туһахтарбын иитэбин. Н. Якутскай. Булду туһахха, айаҕа боһойон киллэрээри, кыра титириктэри, маһы охтортоон күрүөлүүллэр, сылбахтыыллар. Ол аата тоҥуу диэн буолар. Багдарыын Сүлбэ. Тэҥн. элиэ II

II · 2

көр доҕуу. Эбэм тоҥуута баранан хаалбыт игиинэн хотуурун -- сытыылаата. Н. Лугинов. Уолаттар сыгынньах эттэрэ хойуу кумаартан сүүтүк тоҥуутун курдук буолан баран, ыгдайа иһэн тахсаллар. Бэс Дьарааһын. Игии кэрдииһэ [хатыыта] доҕуу эбэтэр тоҥуу диэн ааттанар. СНЕ ӨОДь

II · 3 · этии

Тоҥуу ойуу - тэһитэ аспыт курдук быдьыгынас ойуу Былыргы ыһыах кыргыттара тоҥуу ойуулаах үрүҥ сиидэс былааты сыҥаах бааммыттар. "ХС"

III · 4 · аат

тоҥ I диэнтэн хай. аата. Быйыл күһүн сир харанан туран тоҥуута буолла. Т. Сметанин. [Ощепков] кыһыҥҥы тымныыга тоҥуу -- хайдаҕын үчүгэйдик билэр. С. Никифоров

III · 5 · этии

Тоҥуу байтаһын биэ - төрөөн көрө илик биэ Уйбааннаах тоҥуу байтаһын биэлээхтэр. Тоҥуу суол - саҥа тоҥмут суол. Θ Свежезамёрзший след. [Кулун Куллустуур] тоҥуу суолбун тобулан -- сойуолаан ахан иһэр. ПЭК ОНЛЯ III. Тоҥуу хаар - суол-иис таһаарыллыбатах халыҥ хаар. Θ Цельный, свежий, не протоптанный глубокий снег. Клим сүүрэн иһэн -- бүдүрүйэн, тоҥуу хаарга тиэрэ түстэ. Амма Аччыгыйа. Ол киһи Уйбааҥҥа утары Тоҥуу хаар үрдүнэн ыстанар. Эрилик Эристиин