тоһоҕос
1 · аат тыл
- Туох эмэ ордуга (хол. , тобоҕо, быстаҕа, төрдүгэһэ)
Нууччалыы
- Остаток от чего-л. , окурок, огарок, обрубок чего-л
- Сыылба Дьаакып дьиэттэн үөттүрэх тоһоҕоһун таһаарда. А. Софронов. Остуолга чүмэчи тоһоҕоһо умайа турар. Күндэ. [Москуба метротугар] бөппүрүөскэ тоһоҕоһо да сытарын көрбөккүн. Н. Габышев. Лөкөй -- атын кутуругар холбообут быатын тоһоҕоһун сүөрэн, икки быа төбөтүн ыйылыннары тардан салҕаан кэбистэТумарча
2 · даҕааһын
- суолт. Ордон хаалбыт, быһаҕас
Нууччалыы
- Сохранившийся частично, обломившийся, неполный
- Бэйэҥ тоһоҕос омуккун -- түһүүнэн-тардыынан ааһа мүккүттэримэ. Болот Боотур. Чыычаах тэйиччи тоһоҕос маска олорон, кыҥнах-иҥнэх гына-гына, чуопчаарда. Софр. Данилов. Акаары оҕону уолгунаан буулааҥҥыт, тоһоҕос дьоллоотугутЭ. Соколов
3 · этии
- Быар быһаҕас, тиис (түөс) тоһоҕос көр быар. Күүһэ суох киһини тиис тоһоҕос, быар быһаҕас диэн ааттыыллар. АЛА СБ. Сарсыҥҥы күммүтүгэр диэри былаҕайга былдьатыма, дэлэгэйгэ диэлитимэ, тойон эһэм! Киин бүтэйдээх, быар быһаҕастаах, түөс тоһоҕостоох барахсаттар буолабыт. ХИА КОВО
4 · этии
- Тоһоҕос балаҕан - кыра хороҕор балаҕан Суорун Омоллоон. Тоһоҕос лииньийэ мат. - көнө лииньийэлэр биир кэлимсэтэ суохтук муннуктуу холбоммуттара. Θ Ломаная линия. Тоһоҕос лииньийэлэр аҕыс-сүүрбэ милимиэтир уһуннаахтар. ННС ЧАа. Тоһоҕос от эргэр. - 1) кыра кэбиһиилээх от. Θ Маленький стог. Үс былас түөс аҥаара куохаҕар моойдоох, тоһоҕос от саҕа бастаах, икки чаан олгуй саҕа харахтаах -- хардааччы кыыл буолан сайа көтөн таҕыста. ПЭК ОНЛЯ I. Кыыс Ньургун Үс өрүөллээх Үрүҥ көмүс сэргэтигэр Тоһоҕос от быһаҕаһын саҕа Түөллэс гына түстэ. Эрилик Эристиин; 2) төгүрүк уһуктаах төбөлөөх, кэбиһиилээх от. Θ Круглый островерхий стог сена; 3) түөлбэ. Сүүрбэччэ сүөһү кыстыыр улахан от. Θ Стог сена на двадцать голов скота зимнего содержания. Икки сиргэ икки тоһоҕос от турар. ПЭК СЯЯ. Тоһоҕос саа - сарбыллыбыт уостаах саа. Θ Обрез. Кулаактар биһигини тоһоҕос саанан ытыалыыллара. А. Фадеев (тылб. ). Тоһоҕос тордох - кыра тирии ураһа. Θ Маленькая ураса из ровдуги. Чугаһынан биир тоһоҕос тордохтоох ыал суох. Болот Боотур. Тоһоҕос уулусса - кылгас муҥур уулусса. Θ Переулок. [Кырыыньыкы] икки киэҥ көбүс-көнө кириэстии уулуссалаах, олортон тахсар уонча тоһоҕос уулуссалаах. "ХС". Ср. тюрк. тос ʻразломаться на мелкие частиʼ
Нууччалыы
- Маленькая конусообразная юрта. [Лоокуут:] Бу толооҥҥо мин Тоһоҕос балаҕан Туттаары гынабын