тыҥкынас
I · 1
- тыҥкынаа диэнтэн холб. туһ. Халлааҥҥа тыыраахы, хопто үөрэ үрэллэҥнии көтөрө, араастаан тыҥкынаһаллара, ытаһаллара. Далан. [Куһаҕан Хочугур:] Эдьиийдэриэм, хайа били үҥкүүлээн ходьойор, ыллаан тыҥкынаһар бэйэҕит тоҕо санаарҕаатыгыт? И. Гоголев. Бырдахтар тыҥкынаспытынан акка саба түһэллэр, сытыы тумустарын хатаан, сыста сылдьан уулаабытынан бараллар. ПНО
II · 2 · даҕааһын
- Үрдүк, синньигэс, хатан (тыас, куолас туһунан этэргэ)
Нууччалыы
- Высокий, тонкий, звонкий, писклявый (о звуке, голосе)
- "Бэрэссэдээтэлгэ кэллигит дуо? Туох наадалааххытый?" – диэн приёмнайга олорор кыыс тыҥкынас куолаһынан ыйытта. Н. Якутскай. [Ньургууна] күүһэ баарынан хаһыытыыр, хаһыыта ууну кырсынан дуораһыйан ыраах барар уонна төттөрү охсуллан, тыҥкынас куоластаах кумаар курдук иһиллэр. А. Старостин. "Хотуой, бу ийэҥ ханнаный, суох дуу?" – Дьарааһын дьахтардыы тыҥкынас куолаһынан саҥара-саҥара, дьиэни кэриччи көрөр"Чолбон"