тэгил
I · 1 · даҕааһын
- Тэҥ, атылыы
Нууччалыы
- Одинаковый, равный, такой же. [Оонньоммут оруоллар] бары биир тэгиллэр
- Хайатын да чорбоппоккун. Н. Лугинов. Эдэр тэгил титириктэр, Эркин курдук, кэккэлээбиттэр. Уһун дьылҕаҥ күөх тииттэр Ону кэтэҕинэн сэлэлээбиттэр. С. Васильев. [Былатыан] истибитин уонна аахпытын умнубатынан, көрбүтүн-билбитин ыһыктыбатынан бэйэтин тэгил саастыылаахтарыттан ойуччу турара. «ХС»
II · 2
- Ыраах, тэйиччи (дойду туһунан этэргэ)
Нууччалыы
- Далёкий, отдалённый (о стране)
- Тэгил дойдуга тэҥнээҕин, хол дойдуга холооннооҕун булбатах (өс хоһ.). Тэгил дойдуларынан Тэлэһийэ сылдьан, Сахам сирин [саныыбын]. С. Гольдерова. Тэгил дойдуларынан тэлэһийэр киһи хайаан да биир эмэ омук тылын билэрэ наада эбит. «ХС»
II · 3 · этии
- Тэгил көр саар. Сотору хостон хара гражданскай көстүүмү тиирэ кэппит эт лахса, саар тэгил уҥуохтаах, хара бараан саха таҕыста. Софр. Данилов. Иккитэ тэгил уҥуохтаахтар, оттон үһүстэрэ чугас эргин суох улахан киһи. Далан. Иван Николаевич Кульбертинов --тэгил орто уҥуохтаах, лаппычах курдук, бэйэтигэр сөп эттээх-хааннаах киһи. ССС. Ср. эвенк. тэгээ ‘далёкий’, тэгээлээ ‘далеко’