төлөркөй
1 · даҕааһын
- даҕ
- Төлөркөй сомуоктаах саа. Оччолорго бары да эдэр, өрүкүнэспит, биир чыркый кэлэн түстэҕинэ, кырата сүүрбэччэтэ ытан субурутар бэрт төлөркөй чыыбыстаах сааһыттар этибит. В. Титов. Мин аҕам хара мастаах "ытын атаҕа" элэйэн, төлөркөй буолбут сомуоктаах доруоп саалааҕа. "ХС". Хапкааныҥ тыла олус төлөркөй"Сахаада"
2 · даҕааһын
- Бигэтэ суох туттарыылаах, мөлтөх иҥиннэриилээх, төлөрүйүмтүө
Нууччалыы
- Легко срывающийся, непрочно, слабо закреплённый
- Төлөркөй сомуоктаах саа. Оччолорго бары да эдэр, өрүкүнэспит, биир чыркый кэлэн түстэҕинэ, кырата сүүрбэччэтэ ытан субурутар бэрт төлөркөй чыыбыстаах сааһыттар этибит. В. Титов. Мин аҕам хара мастаах "ытын атаҕа" элэйэн, төлөркөй буолбут сомуоктаах доруоп саалааҕа. "ХС". Хапкааныҥ тыла олус төлөркөй"Сахаада"
3 · даҕааһын
- Бэйэтин кыайан туттуммат, туттунуута суох; толкуйдаабакка эрэ этиллэр, саҥарыллар, олус босхо барбыт
Нууччалыы
- Не умеющий владеть собой, лишённый самообладания, несдержанный; необдуманный
- Сорокин, кэтэх санаата суох, бэйэтэ төлөркөй үгэһинэн, саҥа собуоттанан эрэр мотуоркалыы түргэн-түргэнник төтүгүрэтэн истэ. Р. Баҕатаайыскай. Табаарыстар, тыл-өс төлөркөй буолан бараары гынна, онон тугу саҥарары бэйэ толкуйдуура, тойоннуура наадалаахУ. Нуолур
4 · этии
- Төлөркөй бүтэй дорҕоон тыл үөр. – төлөрүйэр бүтэй дорҕоон диэн курдук (көр төлөрүй). Тыл уонна уос салгыны бүөлээн баран төлөрүйэриттэн төлөркөй бүтэй дорҕоон үөскүүр. ФГГ СТ