уруул

1 · аат тыл

Сиринэн, салгынынан, уунан айанныыр тырааныспарга олорон киһи илиитинэн хамсатан салайан ыытарыгар аналлаах мэхэньиисим

Нууччалыы

Сөмөлүөт уруула. Борохуот уруула. ù Мотуордаах оҥочо уруула уонна бары салайар тэрилэ барыта иннигэр, массыыналыы наһаа тупсаҕайдык оҥоһуллубут. Н. Лугинов. Уолчаан уруулу эрийбитигэр, мотуор күүһүрэн өссө бирилии түстэ да, массыына иннин диэки айаннаан куугунаата. ЭКС ТБТ. Мэлтэгэр сүүһүттэн салгыы убаҕас баттахтаах эдэрчи киһи массыына уруулун барбах эрийэн салайа олорор"ХС"

2 · этии

Уруулга олор – 1) Тырааныспары салайан ыыт Көрбүтүм, уруулга Оппуонньа уол олорор эбит. В. Ойуурускай. Суоппара уруулга саҥа олорбут барахсан быһыылаах, массыынабыт сахсыйара сүрдээх. Нэртэ. Бу эһиги уруулга олорон тоҕо арыгы иһэҕитий? Суол т. ; 2) калька. Суоппарынан үлэлээ. Θ Работать водителем, шофёром. Аан бастаан уруулга олорбут сылын Дмитрий Иннокентьевич хаһан да умнубат. С. Федотов. Мария Егоровна саха дьахталларыттан, арааһа, ким да иннигэр буолуо, массыына уруулугар олорбута. ПНИ АДХ. Иван Степанович тыраахтар уруулугар сүүрбэ аҕыс сыл устата олордо. "Кыым"