устуу
I · 1 · аат
- уһун I диэнтэн хай. аата. Ол сөптөөх соҕус эрээри, ити боппуруос дьаалатынан устуутугар тиэрдиэн сөп. Р. Баҕатаайыскай. Сотору күндүөбэй устуута саҕаламмыта. И. Федосеев. Ууга харбааһын уонна устуу тыынар уорганнарга уонна быччыҥнарга улахан туһалаах. ППА БЭХКК. Өрүс устуута, халаан уута – сыллата хатыланар айылҕа биир ураты көстүүтэ, дьайыыта. "Кыым"
II · 2 · аат
- уһул диэнтэн хай. аата. Үлэттэн киһини устуу ылбычча оҥоһуллубат. Дайбыырап ыскылааттарыгар инбэнтээри устуу бу нэдиэлэ иһинэн бүтэр. М. Попов. Сорох тыллар сөпкө суруллууларын үөрэтиигэ устуу улахан наадалаах. СГФ СТМО. Эспэдииссийэ үлэтин былааныгар Абалаах уонна Тураҥнаах күөллэр карталарын устуу, күөллэр ууларын, былыыктарын састааптарын үөрэтии уо. д. а. киирэллэрэ. П. Дмитриев
II · 3 · этии
- Сорудахтаах устуу пед. – көннөрү буолбакка, бэриллибит сорудаҕы толоро-толоро устуу Сорудахтаах устуу: толкуйдааҥ, ханнык тыллар көппүттэрий? КИИ МКТТҮө
Нууччалыы
- Переписывание с заданием