уурас
I · 1
- уураа диэнтэн холб. туһ. Оботуран туран Уураһан чуппурустулар, Сытыырхайан туран Сыллаһан сырыластылар. Өксөкүлээх Өлөксөй. Эдэр дьон, таптаһар дьон тоҕо уураспат, тоҕо сылласпат буолуохтарай? П. Ойуунускай. Кыыс уолу хонноҕун анныттан, уол кыыһы моонньуттан кууһан, сыһыары тардыһан, бэйэ-бэйэлэригэр умсугуйсан уһуннук уурастылар. Суорун Омоллоон
II · 2 · даҕааһын
- Таһаҕаһы аанньа тарпат, тохтоон, чугуруҥнаан ылар эбэтэр букатын туран хаалар идэлээх (үксүгэр ат туһунан)
Нууччалыы
- Упрямый, плохо управляемый, уросливый, способный артачиться (обычно о лошади)
- Ат кырбаннаҕына куһаҕан майгылаах, уурас буолар. Далан. Моойтурук уураһа бэрт, син балайда барбахтаан иһэн, сытан кэбиһэр да тиэрэ түһэн түөрт атаҕын өрүтэ тыраадыҥнатар. Амма Аччыгыйа. Ити эн талбыт сылгыҥ уурас уонна сиргэмсэх, сүгүн айанныа суоҕа, хата бу сырдык көҕөччөр соноҕоһу ыл. И. Никифоров. Уурас ат диэн таһаҕаһы кыайбакка кэннинэн тэйэр, өһөс аты ааттыыллар. ФЕВ КК