хабыалас
I · 1
- хабыалаа диэнтэн холб. туһ. Үөр ыттар үрэн моргуһа, ньаргыһа, хабыалаһа түстүлэр. И. Семёнов. Ыттар өрө мөхсөллөр, сорохтор хабыалаһан да көрөллөр. И. Бочкарёв
I · 2
- Кими эмэ кытта улаханнык кыыһырсан саҥарыс, этис
Нууччалыы
- Отчаянно поругаться, сцепиться друг с другом
- Хобороос ити икки дьон хабыалаһалларын бэркиһээбит курдук көрүтэлээн кээһэр. А. Сыромятникова. Хонтуора ааныгар кимнээх эрэ этиһэр саҥалара өссө хабыалаһа түһээт, им-дьим барда. А. Фёдоров. Эһиги куһаҕан майгылаах дьон эбиккит буоллар, күн тура-тура этиһэн хабыалаһыа этигит. Н. Чернышевскай (тылб. )
II · 3 · даҕааһын
- Уотунан хаарыйар, бытарҕан (тымныыны этэргэ)
Нууччалыы
- Жгучий (о стуже)
- Хабыалас омуннаах хабараан тымныы, намырыахча буола-буола күүһүрэн, бэргээн испитэ. В. Яковлев. Тымныы дьыбара мүлүрүйэн көрбөт, син биир хабыалас. И. Сысолятин. Бобута тутар хабыалас тымныы сымнаабытП. Аввакумов