элэҥ-сэлэҥ
1 · сыһыат
- Убаҕастык, хойуута суохтук, сэдэхтик
Нууччалыы
- Негусто, нечасто, редко, кое-где (расти – о деревьях)
- Ол таастар быыстарыгар элэҥ-сэлэҥ түүрэ тартаран үүммүт аҕыйах мас баара, ыраахтан, хойуу оттон нэһиилэ быгаллар. “Саха с. ”
2 · сыһыат
- Онон-манан, сорох сиринэн, онно-манна
Нууччалыы
- Изредка, порой, кое-где, местами (просматриваться, являться глазам – о чём-л. )
- Суолларын уҥа өттүнэн муора хомото арыт бэркэ мэндээрэн көстө-көстө, мастар хаххалаан, сороҕор хайалар күлүктээн, элэҥ-сэлэҥ көҕөрүмтүйэн ааһыталаата. Н. Якутскай. [Эргийэн кэллэххинэ] эбэм Лена кытыла Элэҥ-сэлэҥ харааран Элэмэстийэн көстүөҕэ. С. Васильев. Бөһүөлэк көнө уулуссатын чугастааҕы дьиэлэрин элэктэриичэстибэ уота элэҥ-сэлэҥ сырдатараН. Заболоцкай
- Туох эмэ быыһынан, туохха эмэ хаххаланан, көстөр-көстүбэт буола. Θ Мелькая между чем-л. , изредка показываясь (двигаться куда-л. – о ком-л. ). Чэпчэки, бэйэм иэхпит тууппунан мастар быыстарынан элэҥ-сэлэҥ тэбэн истим. Т. Сметанин. [Витя] букатын көстүбэт сиргэ киирэн, элэҥ-сэлэҥ сиэлэ турдаН. Заболоцкай
- Пётр элэҥ-сэлэҥ бэстэрдээх хагдаҥ солооһуннаах суолунан айаннатан дибдигирэтэн истэ. Софр. Данилов. Ыраах халлаан урсунугар элэҥ-сэлэҥ былыттар уста сылдьаллара. Эрилик Эристиин. Элэҥ-сэлэҥ уһулута ойон тахсыбыт курдук дулҕалардаах, үүнүүлээх баҕайы элгээн курдук сиргэ Тит күн аайы от охсорА. Фёдоров
3 · сыһыат
- Дэҥҥэ, биирдэ эмэ, хам-хаадьаа
Нууччалыы
- Иногда, изредка, временами (раздаваться – напр. , о громе)
- Элэҥ-сэлэҥ Этиҥнэр эппиттэр, Ибил-дьибил Самыырдар түспүттэр. Д. Говоров. Элэҥ-сэлэҥ кыыдамнаат, Хаар түһэрэ уурайда. И. Эртюков. Дьоннор элэҥ-сэлэҥ күлсэн иһэннэр, им-дьим бардылар. М. Доҕордуурап. [Арыы тыаҕа] Элэҥ-сэлэҥ кыыл табалар көстөн ааһалларИ. Данилов
4 · сыһыат
- Онон-манан, быһа тардан
Нууччалыы
- Отрывочно, несвязно, эпизодически, урывками (помнить, вспоминать о чём-л. )
- Мин тугу эрэ итиннэ маарынныыры, ханнык эрэ күһүҥҥү быһылааны, катеры элэҥ-сэлэҥ өйдүүр курдукпун да, субу баар диэн чуолкайдык санаан кэлбэтэҕим. Н. Габышев. Онтон да атын көрсүһүүлэрбитин, бу өтөрдөөҕү бириэмэлэр курдук элэҥ-сэлэҥ өйбөр охсуллуталаан ылаттаатымБагдарыын Сүлбэ
5 · сыһыат
- Бииртэн биир салҕанан иһэр курдук, утуу-субуу, субуруччу
Нууччалыы
- Друг за другом, один за другим
- Күннэр, ыйдар элэҥ-сэлэҥ ааһан иһэллэр. Н. Лугинов. Сыарҕаҕа олоро түһэллэрин кытта аттар элэҥ-сэлэҥ түспүтүнэн бардылар. Эрилик Эристиин. Мин дойдубар кэлэн баран, дьону кытта кэпсэтэн, хаһыаттар эргэ нүөмэрдэрин элэҥ-сэлэҥ арыйталаан барбытымИ. Федосеев
6 · даҕааһын
- суолт. Онон-манан баар, убаҕас, сэдэх (хол. , үүнээйи, от-мас)
Нууччалыы
- Редкий, негустой, жидкий (напр. , о растительности, волосах)
- Суолларын уҥа өттүнэн муора хомото арыт бэркэ мэндээрэн көстө-көстө, мастар хаххалаан, сороҕор хайалар күлүктээн, элэҥ-сэлэҥ көҕөрүмтүйэн ааһыталаата. Н. Якутскай. [Эргийэн кэллэххинэ] эбэм Лена кытыла Элэҥ-сэлэҥ харааран Элэмэстийэн көстүөҕэ. С. Васильев. Бөһүөлэк көнө уулуссатын чугастааҕы дьиэлэрин элэктэриичэстибэ уота элэҥ-сэлэҥ сырдатараН. Заболоцкай
- Туох эмэ быыһынан, туохха эмэ хаххаланан, көстөр-көстүбэт буола. Θ Мелькая между чем-л. , изредка показываясь (двигаться куда-л. – о ком-л. ). Чэпчэки, бэйэм иэхпит тууппунан мастар быыстарынан элэҥ-сэлэҥ тэбэн истим. Т. Сметанин. [Витя] букатын көстүбэт сиргэ киирэн, элэҥ-сэлэҥ сиэлэ турдаН. Заболоцкай
- Пётр элэҥ-сэлэҥ бэстэрдээх хагдаҥ солооһуннаах суолунан айаннатан дибдигирэтэн истэ. Софр. Данилов. Ыраах халлаан урсунугар элэҥ-сэлэҥ былыттар уста сылдьаллара. Эрилик Эристиин. Элэҥ-сэлэҥ уһулута ойон тахсыбыт курдук дулҕалардаах, үүнүүлээх баҕайы элгээн курдук сиргэ Тит күн аайы от охсорА. Фёдоров