эмпэрэ
I · 1 · аат тыл
- Үрэх, өрүс хара сыыра; туруору сыыр
Нууччалыы
- Крутой обрывистый берег; крутой спуск, обрыв
- Хайа дириҥ эмпэрэтин диэки кэннин хайыһан көрөн баран, дьулайда. Амма Аччыгыйа. Уотун одуулаан өөр-өр таалан олордоҕуна, арай кэннигэр эмпэрэ сирэйэ сууллан уу тыаһа өрө барылыы түстэ. Н. Лугинов. Дьэ, доҕоор, туох даҕаны тохтобула суох өрүс кытылын эмпэрэтин устун кулахачыйан түспэт дуо!Н. Якутскай
I · 2 · даҕааһын
- суолт. Үрдүк, туруору
Нууччалыы
- Крутой, отвесный
- Эмпэрэ сыыр анныгар сытар күтүр улахан күөл хараҥа кытылларын кырбыыр тыаһа бүтэҥитик биллиргээн иһиллэрэ. Далан. Эмпэрэ дьаамалар Эргиччи хаһыллыбыттара. Хатыылаах боробулуохалар Хастыы эмэ хос тардыллыбыттара. С. Васильев. Үрэх диэки өттө эмпэрэ: үрдүк уонна туруору баҕайы, өҥөйөн көрдөххө, киһи куйахата күүрэр. И. Данилов. Ср. эвенк. эмкэр, эмкурэ ‘высокий крутой берег’
II · 3 · аат тыл
- , түөлбэ. Хайыһар тайаҕын төгүрүгэ (хаарга тимирбэтин диэн тайах мас уһугар хаба ортотунан туорайдыы быһыта охсуһар эрэмиэн быалардаах уобуруччу баайыллыбыта)
Нууччалыы
- Опорное кольцо, обтянутое верёвками и привязанное к нижнему концу палки-трости для ходьбы по снегу на лыжах, чтобы палка не проваливалась в снег
- Тайаҕым эмпэрэтэ түһэн хаалтын, хайдах билбэтэҕим буолла! Ср. эвенк. сэвгурээ, хэвгурэ ‘лыжная палка’