үчүгэйдэт
1 · туохтуур
- Туохха эрэ аһары табылын (көһүппүттээҕэр быдан ордуктук)
Нууччалыы
- Иметь большую удачу, быть в чем-л. очень удачливым
- Бэйэм даҕаны тэйэр санаалаахпын. Төһө да үчүгэйдэтэн кэллэр, барсын барытын мууска ууран үллэстэрэ биллибэт. Болот Боотур. Кини бу сырыыга үчүгэйдэттэ: үс моонньоҕон тыла суох барда, биир сатыылаан өрө даллаахтыы түстэ. Д. Таас. Бу күн Сүөдэр бултуйан санаата көтөҕүлүннэ. -- "Хор, маннык буоллаҕына, үчүгэйдэтииһибит ээ", дии бүк эрэнэ санаатаВ. Миронов
2 · туохтуур
- Өлөрдүү табылын, бааһыр (хол. , бөдөҥ булт туһунан этэргэ)
Нууччалыы
- Быть смертельно раненым (о крупных животных объектах охоты)
- Киһи атыырын иэччэххэ кыҥаан баран ытан чуһуурта, иккиһин иитэ олорон хараҕын кырыытынан көрдөҕүнэ, кыыла кэннэ ньаачаллыбыт, "үчүгэйдэппит", дии санаата. Болот Боотур. Биһиги тайаҕы үчүгэйдэппит дии санаан сэрэнэн саабытын бэлэм тутан, сэлэлии хаамсан, сис оройугар тахсыбыппыт. Далан. Ээ, доҕоор, биир тайах эмиэ үчүгэйдэтэн барбыта. Суолун хайан көрүөххэ баар этэР. Кулаковскай