паар
I · 1 · аат тыл
- аат
- Сылабаартан икки утах итии паар өрөр дьурулаан таҕыста. Амма Аччыгыйа. Паарынан тыыммахтаан, күн орто Паровоз айманан аттанна. Күннүк Уурастыырап. Чаанньык хаппаҕа өрө талыгырайа түстэ, тумса үп-үрүҥ паарынан өрө чуһуурдаН. Заболоцкай
I · 2 · аат тыл
- Уу итийиититтэн үөскүүр гаас
Нууччалыы
- Пар (газ, образующийся при нагревании воды)
- Сылабаартан икки утах итии паар өрөр дьурулаан таҕыста. Амма Аччыгыйа. Паарынан тыыммахтаан, күн орто Паровоз айманан аттанна. Күннүк Уурастыырап. Чаанньык хаппаҕа өрө талыгырайа түстэ, тумса үп-үрүҥ паарынан өрө чуһуурдаН. Заболоцкай
I · 3 · аат тыл
- Элэктэриичэстибэ иннинээҕи бырамыысыланнаһы, олоҕу хамсатар, сайыннарар күүс, эниэргийэ
Нууччалыы
- Движущая сила прогресса, предшественница электрической энергии, пар
- Паар күүһүнэн, массыына күүһүнэн, элэктэриичэстибэ күүһүнэн тугу тулутуохпутуй? П. Ойуунускай. Ааспыт үйэҕэ аан дойдуну тиэрэ эргиппит паар баһылааһына бүттэ; паар оннугар быдан ордук өрөбөлүүссүйүөннэй күүс - элэктэриичэстибэ кэлиэҕэ. ЛВМТА
I · 4 · аат тыл
- Салгыҥҥа көтө сылдьар кып-кыра уу хаапылалара мустубуттара
Нууччалыы
- Пар (скопление мельчайших капелек воды)
- Дьүүктэ буолан тахсар туустаах уу алары толороро уонна сотору паар буолан көтөрө. И. Данилов. Сир ыксатынааҕы салгыҥҥа быыл, хоруо кыырпахтара, уу паара булкуһа сылдьар буолаллар. МНА ФГ. Күөлтэн уу сиигэ паар буолан үллэн олордо. Я. Козак (тылб. )
II · 5 · аат тыл
- , т. -х. Сайын ыһыллыбатах сири таҥастааһын (ыраастааһын, уоҕурдуу, сииги саптарыы, хорутуу); оннук оҥоһуллан сынньатыллыбыт, ыһыыга бэлэмнэнэр сир
Нууччалыы
- Пар (обработка незасеянного на лето поля; обрабатываемое или обработанное к следующему сезону поле)
- Уҥуор хайа эрэ бааһынаттан паарга сылдьар тыраахтар тыаһа бүтэҥитик ньириһийэн иһилиннэ. В. Яковлев. Саха сирин кураан усулуобуйатыгар паар диэн сиргэ сииги мунньуу биир бастыҥ, бэрэбиэркэлэммит суола буолар. П. Егоров. Оройуон хаһаайыстыбаларыгар хадьымалы көтөҕүү, паары таҥастааһын, бааһыналарга уоҕурдууну киллэрии -- дьаһаллара адьас мөлтөхтүк ыытыллаллар"Кыым"
II · 6 · этии
- Хара паар - сыыс отунан саба бүрүллүбэтэх ыраас паар Хара паарынан эргитиллибит дьылыгар сибиэһэй ноһуому дэлэлээҕи таһыллыбатаҕа, кыһыныгар үс төгүл хаары типтэриллибитэ. М. Доҕордуурап. Ыраас паар - сайын устата туох да ыһыллыбатах паардаммыт сир. Θ Земля под паром, чистый пар. Үс хонуулаах севообороппут үстэн биирэ ыраас паар. Ыраас паары бэс ыйын бастакы аҥаарыгар уон аҕыс-сүүрбэ сэнтимиэтир дириҥинэн тиэрэрдээх булуугунан хорутабыт. С. Окоёмов. Кэлиҥҥи сылларга ыраас паар, сүөһү аһылыгар аналлаах ыһыылар ылар ирээттэрэ улаатта. ПНП ТКҮүҮ. Эрдэтээҕи паар - эрдэ бэлэмнэнэр паар. Θ Ранний пар. Эрдэтээҕи паары хорутууга тиэтэйиэххэ. "Кыым"
Нууччалыы
- Чёрный пар