туохтуур
умсугуй
- Тугунан эмэ улаханнык баҕаран туран дьарыгыр, сэҥээр, үлүһүй
Нууччалыы
- Интересоваться, увлекаться чем-л. , отдаваться занятию чем-л
- Кырдьык, кини успуортунан умсугуйан туран дьарыктанара. Э. Соколов. [Миимээн –Батенчукка:] Оҕолорум уонна сиэннэрим мотуорга умсугуйдулар. Сотору саанан сатаан ыппат дьон буолалларыгар тиийдилэр. И. Данилов. Булка олус умсугуйбутум. Дьиэбэр хайаан да илии тутуурдаах тиийиэхпин баҕарбытым. В. Санги (тылб. )
- Кими эмэ сөбүлүү көр, таптаа. Θ Проявлять интерес к кому-л. , увлекаться, влюбляться в кого-л. Яков дьүһүнүн сирийэ көрбүтэ, били кини төбөтө холоруктуу сылдьан умсугуйбут Танятыттан ыраах атын эбит. Н. Заболоцкай. Биһиги Ленабытыгар кэлбит-барбыт эрэ умсугуйар, улуутун-модунун сөҕөр, кэпсээҥҥэ киирэр кэрэтиттэн үөрэр-көтөр. П. Аввакумов. Туох ааттаах тапталыгар умсугуйдаххыный! М. Шолохов (тылб. )